"जिन्दगीको गणित"

तिम्रो उदासिनता पागलपन हो काली !

बैराग्य, निरसता

एक्लोपना, द्घिविधा सब प्रपञ्च 

प्रत्येक दिन 

भित्ताहरूमा बहुरुपमा देखिने तिमी

फगत एक नाटककी पात्र हौ । 

तिमी दुइजिब्रे हौ काली !

जीवनसँग बुर्कुसी मारिरहेकी तिमी

अनाहकमा बहकिन्छ्यौ

दुःखको अभिनय ग¥छ्यौ र

अवतारी बनेर

भित्ता रँङगाइरहन्छ्यौ ।

तिमी गणितमा कमजोर छौ !

इलामको बाटो जस्तो गुँडुल्किएको 

जिन्दगीको गणित

न त भित्तामा पोखिएको प्रतिक्रिया जस्तो छ

न नै नाटकको अभिनय जस्तो ।।